Dit is soms nodig om oor jou lewe te reflekteer en jouself af te vra – volg ek werklik nog vir Jesus? Die kultuur, die besig-wees, die verkeerde vriendekringe en die ongesonde gewoontes kan ons stelselmatig op ‘n verkeerde reis neem: een waarin ek nie besef ek beweeg al hoe verder weg van my geloofslewe en geloofsgemeenskap af nie.

Jesus nooi ons om dissipels te wees. Dissipels is studente wat by ‘n rabbi (leermeester) leer. Hierdie lering van ‘n rabbi word “sy weg” genoem. ‘n Dissipel volg dus sy of haar meester “se weg”. Dit is ‘n manier van lewe, ‘n ingesteldheid om die rabbi se voorbeeld te volg en ‘n gefokusde reis op ‘n lewe van volgelingskap.

In 2025 wil ons uitnooi om diep na jou lewe te kyk en weer van voor af te kies om Jesus te volg. 

Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. My juk is sag en my las is lig.” – Mat 11:29-30