‘n Vorm BI-1680 wat deur ‘n mediese dokter uitgereik word, moet by die Departement van Binnelandse Sake, die Suid-Afrikaanse Polisie of ‘n begrafnisonderneming van jul keuse ingehandig word vir die uitreiking van ‘n doodsertifikaat (Vorm BI-1663).

Indien die begrafnisdiens in die kerkgebou gaan plaasvind, moet die naasbestaandes op ‘n datum en tyd besluit en eers die kerkkantoor (012 809 0107) skakel om die beskikbaarheid van die kerkgebou te bepaal. Die familie het ook die opsie om die diens en die teraardebestelling gelyktydig te doen. Kostes verbonde aan die begrafnisdiens sal deur die kerkkantoor verduidelik word.  (Die kostes sluit die gebruik van die kerkgebou, die klankspan en orrelis in). Die kerkkantoor tref dan verdere reëlings met die klankspan en orrelis. Die datum en tyd word dan met die betrokke leraar en die begrafnisondernemer bevestig, waarna die begrafnisreëlings gefinaliseer kan word.

Skakel die leraar van die spesifieke aftree-oord / jou keuse. Die leraar sal in gesprek tree met die naasbestaandes om die teksgedeelte en liedere vir die diens te bespreek.

AVBOB                                                     086 128 2621
DOVE                                                        012 546 7172
Grobbelaars                                              082 413 5242
Martin’s                                                     082 498 1981
Sonja Smith                                              079 895 4414

Die begrafnisondernemer sal die familie bystaan en adviseer met die keuse van ‘n kis, lykskouing, begrafnisbriewe, blomme en ander spesiale versoeke.

Indien ‘n geliefde in ‘n begraafplaas begrawe word, moet die munisipaliteit waaronder daardie begraafplaas resorteer, gekontak word. Begrafnisondernemers help hiermee.

Na die verassing moet die naasbestaandes ‘n verassingsertifikaat in duplikaat ontvang.  Die kerkkantoor kan geskakel word vir meer inligting oor ons gemeente se gedenkmuur.